گوڵم نه‌تزانیوه‌
له‌ خۆر تیشک و له‌ مانگ
تریفه‌م بۆ دزیوی           
له‌ چاو سۆماو له‌ گوڵ چه‌پک چه‌پک
جوانیم بۆ رنیوی
له‌ لوتکه‌ به‌رزی و له‌ ڕووبار هاژه‌و
  له‌ باڵ فڕین
وبۆنی گوڵه‌ کێویله‌ و       
                                                 
له‌ ڕۆحیش هێلانه‌ی عه‌شقم
بۆ ته‌نیوی..     
ده‌ وه‌ره ‌و بزانه‌
چۆن تاریکیم بۆ
سه‌ر بڕیوی
ئه‌و ڕێگایه‌ش پێیدا تێده‌په‌ڕی
گوڵم به‌ برژانگی
چاوه‌کانم بۆم ماڵیوی         
بیزانه‌ گوڵم
سه‌مای چڵ به‌ چڵی دارو دره‌ختی
ئه‌م وڵاته‌م بۆ هانیوی
رێگای  ڕژدی پڕ نشێو و
ئامێزی ئه‌نگوسته‌ چاوی
هات و نه‌هاتی رۆژگاری
ته‌مه‌نێکم بۆ بریوی ...   
       نوسه‌ر:  ( صالح میراوده‌لی) .